सरस्वतीको मन्दिर उद्घाटन तथा मुर्ति अनावरण कार्यक्रम

तिलोत्तमा नगरपालिकाको वार्ड न• ८, चार नम्बरमा अवस्थित नवज्योति इङ्लिस बोर्डिङ स्कुलमा आज मिति २०७८/१०/२३ गते सरस्वती पुजाको अवसर पारेर नयामिल दुर्गा पन्चायतन मन्दिरका पिठाधिश १००८ सरस्वती विवेकानन्द महाराजजीको हातबाट यस विद्यालयमा सरस्वतीको मन्दिर उद्घाटन तथा मुर्ति अनावरण कार्यक्रम सम्पन्न भयो। विद्यालय सन्चालक समितिका अध्यक्ष जे• पि• कंडेलको अध्यक्षतामा सम्पन्न भएको कार्यक्रममा नयामिल दुर्गा पन्चायतन मन्दिरका पिठाधिश १००८ सरस्वती विवेकानन्द महाराजजीको प्रमुख आतिथ्यता रहेको थियो भने बिद्यालयका प्राचार्य टोप बहादुर के•सी• ले प्रमुख अतिथि, अतिथि, सेयर सदस्यहरु, शिक्षक तथा कर्मचारीहरु, अभिभावक तथा विद्यार्थीहरु लाई धन्यवाद दिनु भएको थियो। उक्त कार्यक्रमको सन्चालन शिक्षक भगवती देवी भट्टराईले गर्नु भएको थियो। आजै यस पुनित अवसरमा बालकक्षामा १२० जना नंया विद्यार्थीहरुलाई अक्षरारम्भ सहित अभिभावकहरुले भर्ना गर्नु भयो।